ഓപ്പറേഷൻ സിന്ദൂറിന് പിന്നാലെ പാകിസ്ഥാൻ നീക്കങ്ങൾ നിരീക്ഷിച്ച് ഇന്ത്യ, ഇന്ന് സര്‍വകക്ഷിയോഗം
ന്യൂഡല്‍ഹി: ഓപ്പറേഷൻ സിന്ദൂരിന്റെ തുടര്‍നടപടികളുമായി ബന്ധപ്പെട്ട് അതിർത്തിയിൽ യുദ്ധസന്നദ്ധതയോടെ ഇന്ത്യ. പാകിസ്ഥാന്റെ തുടർ നീക്കങ്ങൾ ശക്തമായി നിരീക്ഷിച്ചുകൊണ്ടാണ് കേന്ദ്രം സുരക്ഷ ഒരുക്കുന്നത്. നിയന്ത്രണരേഖയില്‍ പാക് സൈന്യം ശക്തമായ ഷെല്ലാക്രമണം നടത്തുന്ന പശ്ചാത്തലത്തില്‍, അതിര്‍ത്തി ഗ്രാമങ്ങളില്‍ നിന്നും നാട്ടുകാരെ സുരക്ഷിത കേന്ദ്രങ്ങളിലേക്ക് മാറ്റാന്‍ നിര്‍ദേശം നല്‍കിയിട്ടുണ്ട്. ജനങ്ങളുടെ സുരക്ഷ ഉറപ്പാക്കാൻ കശ്മീർ പ്രധാനമന്ത്രി ഒമര്‍ അബ്ദുല്ല അടിയന്തര നടപടി സ്വീകരിച്ചു. ജില്ലാ ഭരണകൂടവുമായി വീഡിയോ കോണ്‍ഫറന്‍സിംഗ് യോഗം നടത്തിയ അദ്ദേഹം, കൂടുതൽ ഷെല്‍ട്ടറുകളും ബങ്കറുകളും ഒരുക്കാനും ഭക്ഷ്യവസ്തുക്കളുടെ കരുതലും ഉറപ്പാക്കാനും നിര്‍ദേശിച്ചു. അതിര്‍ത്തി ജില്ലകള്‍ക്ക് അഞ്ചുകോടിയും മറ്റ് ജില്ലകള്‍ക്ക് രണ്ട് കോടിയും അടിയന്തരമായി അനുവദിക്കും. ജമ്മുവും കശ്മീരുമുള്ള സ്‌കൂളുകൾക്ക് ഇന്നും അവധിയാണെന്നും ശ്രീനഗര്‍ വിമാനത്താവളം അടച്ചിടുമെന്നും അധികൃതർ അറിയിച്ചു. പഹല്‍ഗാമില്‍ നടന്ന ഭീകരാക്രമണത്തിന് സൈന്യം നൽകിയ തിരിച്ചടിയുടെ പശ്ചാത്തലത്തിലാണ് കേന്ദ്ര സര്‍ക്കാര്‍ ഇന്ന് പാര്‍ലമെന്റ് മന്ദിരത്തില്‍ സര്‍വകക്ഷിയോഗം വിളിച്ചിരിക്കുന്നത്. രാവിലെ 11 മണിക്ക് ചേരുന്ന യോഗത്തില്‍ ആഭ്യന്തര, പ്രതിരോധ മന്ത്രിമാര്‍ അടക്കം വിവിധ രാഷ്ട്രീയ പാർട്ടികളുടെ പ്രതിനിധികൾ പങ്കെടുക്കും. രാജ്യത്തിന്റെ സുരക്ഷ, നയതന്ത്ര നിലപാടുകൾ, പാകിസ്ഥാൻ പ്രകോപനങ്ങൾ തുടങ്ങിയവ യോഗത്തിൽ വിലയിരുത്തും.
About The Author
mk28
